Maknane Kata Banyumas

Banyumas, SBB.WP.com – Sugeng ndalu sedulur. Kayong lawas nemen inyong ora gawe postingan ya? Kiyeh kanggo nambani kangene rika pada maring inyong, gede rumangsa ya inyonye? Disambi dopokan mayuh pada maca tulisan sing inyong nyadur sekang Wikipedia.org. Tulisa kiye isine cerita babagan makna kata Banyumas. Ora usah kesuwen. Mangga dilanjut.

Kosakata Banyumas kuwe duwe makna sing luas lan dalam. Kata pertamane ialah: Banyu, ialah bandha sing duwe keunggulan antarane:

Banyu mili: mengalir anteng, ajeg, ora mandeg sedurung entong, ora tau nerjang bandha-bandha sing ngalangi artine angger ana watu utawa wit sing ngalangi malah nyingkir. Kuwe maknane bisa urip rukun lan gelem ngalah sing penting prinsipe tetep maring tujuan. Banyumili juga gesit lan tangkas, kabeh mesthi bisa diliwati ngantek tekan tujuane. Tujuane ialah enggon sing paling dasar, paling prinsip utawa sumber banyu, sumber urip ialah segara. Makna Banyumili: Angger pengin dadi pemimpin kudu kaya banyu, ketone ora duwe daya, ningen manfaate kanggo dasar urip, duwe kekuatan sing luar biasa, teguh maring prinsip, manfaat kanggo lingkungan lan sesama sing urip, ming rakyat lan ming sapa baen sing butuh.

Segara: ketone lebih amba kekuasaane tinimbang kali, kuwe merga banyune lewih akeh. Ning anehe, segara kuwe mesthi anane nang ngisor kali, kali mesthi lewih duwur posisine. Makna Segara: Legitimasi kekuasaan kuwe awale sekang sikap sing andhap asor lan siap ngelayani rakyat cilik. Kabeh mengko mesthi ana imbalane yakuwe imbalane mengko kekuatane dadi siji ngumpul nang segara.

Cermin: sifat banyu juga kanggo ngaca. Mulane angger pengin dadi pemimpin sing apik kudu bisa dadi teladan, duwe tindak lan tingkah sing apik, mengutamaaken laku utama, ben bisa dadi conto rakyate juga wani introspeksi kanggo ndadani kesalahan dhewek.

Ngalir mengisor: kiye sing paling utama, nek mengungsa kudu bisa ngaweh kesenengan, kegembiraan ming sesama menungsa juga ming sesama sing urip juga lingkungan, kiye maknane ngelayani sing lewih akeh, rakyat lan alam. Kabeh manfaate dudu kanggo sing nang duwur bangsane pejabat kuwe ningen manfaate kanggo sing nangisor, rakyat jelata.

Kata ping pindone ialah: Mas utawa emas. Emas kuwe duweni sifat lentur sing artine bisa nyesuekna maring kahanan lan regane sing larang nduweni makna kemulyan. Dadi wong Banyumas kuwe bisa dadi mulya sebab ditempa nang kahanan sing ora ngepenaki kaya emas sing ditempa nang pengrajine.

Lha kuwe mau crita babagan arti kata Banyumas. Wis pada ngerti apa durung jane rika? Nek ora ngerti ya mayuh pada sinau ben ngerti tur paham. Kari nlakoni ben tambah pinter lan bisa njangkah apa sing dicita-citakan leluhure dewek. Muga-muga ya sedulur Banyumas bisa segera mewujudkan tatanan masyarakat sing sejahtera, adil, tertib, rapi, indah, dan aman. Amien. Wis ndisit, ngesuk crita maning.[]

Mas Nunu – http://catatanmasnunu.wordpress.com

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s