Taun Anyar, Pengarep Anyar

Banyumas, SBB.WP.com – Tahun 2012 wis lunga, tahun 2013 wis teka lan mlaku. Mungkin mandan telat, tapi inyong ya tetep esih pengin ngucapna “Selamat Tahun Baru 2013”.

Akeh pitakon pating “gludag” dan sajerone ati lan dadane dewek. “Apa iya taun kiye dewek arep ulih sesuatu sing lewih apik tinimbang taun kepungkur?” Kayong koh ngangen-ngangen temen ya? Kesejahteraan, keadilan sosial, kemakmuran, kayane dadi barang larang lan angel dijangkau.

Sebagian wong berfikir pesimis. Kaya-kayane taun kiye dewek urung bisa lan pantes duwe pengarepan. Sebab nang detik kiye bae dewek esih ngarepi kahanan perilaku biadab, elit uga rakyat. Korupsi lan kebijakan semena-mena tesih dadi kebiasaane para elit. Sementara materialistik hedonik dadi budaya wajib para rakyat. Contone ya perayaan taun baru lan valentine nganggo pesta sing mborosna duit.

Sering awake dewek pada nduweni kesimpulan sepihak, dene dewek kuwe uwis mlebu maring sistem “lingkaran syetan” sing saking angele di pethil. Tapi kanthi pemahaman sing seksama, mari awake dewek mbangun optimisme menyambut taun anyar kanthi pengarep anyar. Sebenere, lingkaran syetan kuwe bisa disederhanakan dadi telung werna: harta, tahta, wanita (dalam arti filosofi).

Maka, nek awake dewek mung arep nduweni tujuan mburu telung werna kae mau kanthi ngalalake segala cara, maka awake dewek wis udu menungsa maning. Sebab sebenere awake dewek wis lewih rendah tenimbang kewan, lan bahkan lewih biadab tenimbang syetan.

Terus, gaman apa sing kudu dienggo ben dewek bisa menang lan methil lingkaran syetan? Ora sing liayane kejaba anugerah hebat seka Gusti Alloh sing arupa kecerdasan. Kecerdasan rasional, kecerdasan emosional, lan kecerdasan spiritual. Ana sing nyebut IQ utawa olah rasio, EQ utawa olah rasa, lan SQ uatawa olah makna. Kuwe sing jeneng “konsep diri”, lan nek diasah terus menerus dadi jenenge “jati diri”.

Apa bisa apa ora, awake dewek nangkep pesen, bahwa ora diharamake kanggo awake dewek dadi wong sugih (nduweni harta akeh), ngrebut kekuasaan (dadi pejabat), lan nikahi wong ayu. Asalkan aja ndadekna kuwe kabeh dadi tujuan akhir. Tapi kudu dadi alat kanggo “mendedikasikan” iku kabeh maring Gusti Alloh lan perwakilan-Nya nang dunnya. Emut-emut bahwa “dedikasi” kuwe wajib dadi ruh nang sajerone jasad “syahwat”. Supaya awake dewek esih bisa nduweni pengarep, supaya awake dewek esih bisa optimis, bahwa taun kiye dewek arep ulih sing lewih apik tenimbang taun kepungkur.

Selamat Tahun Baru 2013, dadia menungsa sing sempurna kanthi nyeimbangna ruh lan jasad rika pada.[]

Mas Nunu – Pimred www.ahmadtohari.com

One thought on “Taun Anyar, Pengarep Anyar

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s