Sugeng Rawuh

Banyumas, SBB.WP.com. Sugeng rawuh sedulur, kadang sanak, kanca batir kabeh. Sugeng rawuh nang blog-e panginyongan. Blog sing sederhana tapi duwe cita-cita sing duwur nganggo banget. Dadi rika aja pada gumun, nek nang kene inyong karo kanca batir pada ngalamun. Janjane si dudu ngalamun, tapi anu lagi mikirna kelangsungane uripe bangsa lan negara. Ora lagi ngayawara uga. Mung kepengin peduli maring kahanan rakyat lan masyarakat Indonesia umume lan Banyumas khususe.

Blog kiye disokong sepenuhe nang Tim Redaksi www.ahmadtohari.com lan Ahmad Tohari Society and Net.

Ahmad Tohari Society and Net kuwe anu komunitas utawa kumpulan. Kumpulane bocah-bocah enom. Bocah enom kuwe dudu umure, nanging “bocah-bocah anyar” (cah angon, jere tembang Lir Ilir), sing nduweni pikiran kepengin kahanan bangsa lan negarane maju lewih sekang kahanan siki. Bocah enom sing kangen karo ilmu-ilmu artistik utawa seni budaya. Sing ora kelalen karo agunge sejarah bangsa, nanging nduweni pandangan visioner maring masa pengarep. Bocah enom sing nduweni pengarep pemimpin lair sekang bocah enom. Kanggo nganteni lan marisi tongkat estafet kepemimpinan sekang “wong tua” utawa wong lawas sing uwis gagal mbangun bangsa lan negara sing unggul, nduweni karakter, sing merdeka lan berdaulat. Bocah-bocah enom sing pada nduweni cita-cita “menegakkan kembali konstitusi negara”. Mbalekna nilai-nilai luhur bangsa lan njunjung dhuwur kearifan lan budaya lokal.

Mangkane kanthi kepenginan sing kuat, awake dewek pada bahu-membahu. Sinau lan terus sinau. Nggolet wong tua sing bisa dadi guru. Akhire nemu tokoh lokal sing nduweni kualitas global. Ahmad Tohari, tokoh sederhana sing uwis terkenal sedunia. Novelis asli sekang Banyumas sing uwis mengglobal sebab karya-karya besare. Ora kenyana ora keduga, nduweni sifat lan karakter asli khas Indonesia. Sifat grapyak (ramah), sederhana, cerdas, tanggap, lan peduli maring kaum lemah. Kritis, disiplin, lan jujur. Mangkane wajib kanggo awake dewek meneladani karakter lan sifate kuwe mau. Awake dewek perlu banget ngrungokna cermah lan khotbahe, maca tulisan-tulisane, kanggo mahami paradigma–ne tentang bangsa lan negara. Tentang pendidikan lan agama. Tentang politik, sosial, lan seni budaya.

Lan dalam rangka kanggo mbalekna nilai-nilai luhur, ngembangna lan nglestarikna budaya asli Banyumas, blog kiye didedikasikan kanggo rika kabeh, nganggo sebagian akeh basa “cablaka banyumasan”. Basa sing etnik lan unik. Basa sing terkadang diarani ngapak kiye basa sing makili budaya kejujuran masyarakat Banyumas.  Sebab masyarakat Banyumas kuwe terkenal nduwe budaya blakasuta. Ora sanepa, thok melong, apa anane bae. Apik diomong apik, ala diomong ala. Terus terang, ora nganggo upakara werna-werna. Kiye budaya sing apik banget. Mangkane awake dewek nduweni pengare-arep basa kiye lestari ora punah kegiles globalisasi. Muga-muga ya lur.

Lha gandeng-ceneng karo tujuan sing mulya kae mau, inyong ngajak maring rika kabeh, mayuh pada nulis warta utawa coretan artikel nganggo basa cablaka banyumasan kiye. Kanggo ditayangna nang blog kiye. Ora usah isin ora usah wedi. Coretane bisa tema apa bae. Sing penting manfangati. Bisa wujud warta, opini utawa pendapat, pengarepan utawa cita-cita kepenginan, kritik sing membangun, iklan usahane rika pada ya olih. Sing penting njunjung duwur prinsip sopan santun. Ora bisa nulis akeh ya separagraf rong paragraf ya ora masalah. Sing penting gelem nulis. Soale nek kepengin pinter ya kudu gelem nulis, seliyane maca. Jere Pak Ahmad Tohari, “menulis adalah ritual prihatinnya santri modern.” Nek uwis nulis, kari ndang dikirm maring email -e inyong. Kirim maring kang.nunu82@gmail.com. Aja kelalen, gagehan tek tunggu. Suwun. []

Banyumas, Februari 2013

Admin

Mas Nunu – Pimpinan Redaksi www.ahmadtohari.com

Nek rika nggolet kumpulan Khutbah Jumat, klik bae kene!

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s